Денеска имавме средба со дел од раководството од повеќе политички партии кои до пред извесно време партиципираа во власта. Дел од тие преминуваат во ВМРО-ДПМНЕ, дел во останатите десничарски партии од Коалицијата „За подобра Македонија“, истакна генералниот секретар на ВМРО-ДПМНЕ Игор Јанушев.
-Тие ги ставаат своите капацитети на располагање се со цел што побрзо да ја тргнеме оваа криминално-рекетарска власт и да помогнеме што побрзо во обновата на Македонија, рече Јанушев и додаде дека тие како ВМРО-ДПМНЕ остануваат отворени и ги повикуваат сите чесни и искрени граѓани на Македонија да се придружат во борбата против власта, во борбата за обнова на Македонија.
Она што исто така е вредно да се напомене, подвлече Јанушев, е дека овие луѓе ги напуштаат политичките партии во период кога буквално сите механизми на присилба и уцена се во рацете на Заев и СДСМ и одлучиле да се придружат на нашата борба за што побрзо СДСМ и Заев да ги тргнеме од власта и да почнеме со обновата на Македонија.
