Обидите за конфискација на руски имот се незаконски според меѓународното право, а сите земји кои ја поддржуваат оваа идеја ќе ги почувствуваат последиците, изјави денеска портпаролот на Кремљ, Дмитриј Песков.
„Јасно е дека естонските власти сакаат да бидат добри ученици и да направат преседан во оваа област. Какви и да се преземат мерки во тој контекст, тие ќе бидат апсолутно безначајни и незаконски од гледна точка на меѓународното право и, се разбира, ќе имаат последици за оние земји кои барем на некој начин се придржуваат до таа идеја“, рече Песков, пренесува ТАС С.
Тој оцени дека САД и НАТО „де факто“ станаа индиректна страна во конфликтот со Украина, преплавувајќи ја Украина со оружје, технологија и разузнавачки информации.
Тој ги отфрли како неточни најавите од социјалната мрежа Телеграм, во кои се наведува дека заменик-претседателот на Советот за безбедност на Русија, Дмитриј Медведев, во Турција разговарал со поранешниот американски специјален претставник за преговори за Украина, Курт Волкер и со потсекретарот за политички прашања. Афери, Викторија Нуланд, пренесува Танјуг.
