Инцидентот со украинската ракета за противвоздушна одбрана koja погоди детска болница во Киев е ПР трик изграден на крв, изјави портпаролот на рускиот претседател Дмитриј Песков.
„Тоа е еден вид ПР трик, всушност, ПР трик изграден на крв“, рече Песков, коментирајќи го нападот. „Јасно е дека ракетата за противвоздушна одбрана била употребена погрешно, поради што ја погоди детската болница“, додаде портпаролот на Кремљ.
Претходно, руското Министерство за одбрана објави дека на 8 јули, руските вооружени сили извршиле напад со висока прецизност врз украинските одбранбени објекти и воздушни бази како одговор на обидите на Киев да нападне енергетски објекти во Русија, погодувајќи ги сите одредени цели. Рускиот врв ги отфрли како невистинити украинските наводи дека рускиот ракетен напад намерно ја таргетирал цивилната инфраструктура бидејќи рекоа дека сликите и снимките од местото на нападот покажуваат дека украинска ракета за воздушна одбрана паѓа во здравствената установа. Министерството нагласи дека „режимот во Киев со години фрла такви обвинувања, секој пат пред состанокот (самитот) на неговите спонзори од НАТО“.
Заменик-постојаниот претставник на Русија во Обединетите нации, Дмитриј Полјански, најави дека Советот за безбедност на ОН во вторник ќе одржи состанок за Украина на кој Москва ќе презентира докази со кои се отфрлаат наводите на Киев дека Русија ја гранатирала болницата.
