Првиот ден на Курбан Бајрам 31 јули (петок) е неработен ден за граѓаните од муслиманската вероисповед, соопшти Министерството за труд и социјална политика.
2 август, Денот на Републиката, оваа година паѓа во недела, па затоа се префрла неработниот ден во понеделник и со тоа добиваме продолжен викенд.
Овој месец ќе имаме уште еден продолжен викенд, бидејќи празникот Голема богородица паѓа во петок.
Ова се неработните денови до крајот на годината:
За сите граѓани на РМ:
2 август (недела), Ден на Републиката, односно 3 август (понеделник) е неработен ден;
8 септември (вторник), Ден на независноста;
11 октомври (недела), Ден на народното востание, односно 12 октомври (понеделник) е неработен ден;
23 октомври (петок), Ден на Македонската револуционерна борба;
8 декември (вторник), Св. Климент Охридски;
За граѓаните од православна вероисповед
28 август (петок), Успение на Пресвета Богородица (Голема Богородица);
1 ноември (недела), Празникот на сите светци;
25 декември (петок), првиот ден на Божиќ;
За граѓаните од муслиманска вероисповед
31 јули (петок), Курбан Бајрам, првиот ден на Курбан Бајрам;
За граѓаните припадници на албанската заедница во РМ
22 ноември (недела), Ден на албанската азбука;
За граѓаните припадници на еврејската заедница во РМ
28 септември (понеделник), Јом Кипур, првиот ден на Јом Кипур;
За граѓаните припадници на бошњачката заедница во РМ
28 септември (понеделник), Меѓународен ден на Бошњаците;
За граѓаните припадници на турската заедница во РМ
21 декември (понеделник), Ден на наставата на турски јазик.
