Четиринаесет годишно момче се бори за живот по тешката сообраќајна несреќа што се случила вчера во 22,15 часот во с. Ново Село-Куманово, на регионален пат Скопје-с.Никуштак-Куманово.
Сообраќајната несреќа се случила во близина на „Икина викендица“ во која 16 годишен малолетник од село Љубодраг-Куманово, управувајќи автомобил „Ауди А-4 Авант“, со скопски регистарски ознаки, сопственост на Р.А. од Скопје, изгубил контрола над истото, при што излетал надвор од патот и се превртел.
По незгодата, сопатникот од автомобилот лице на возраст од 14 години од Р.Словенија, Горња Радгона, е пренесено во Ургентен Центар Куманово и констатирани му се тешки телесни повреди-повреди на череп, опасни по живот и по укажана лекарска помош како итен случај е упатен во Ургентен Центар Скопје.
Увид на местото на настанот е извршен од екипа при СВР Куманово. По предходно добиено овластување на ЈО од Куманово, од малолетниот возач е земена крв за анализа, и констатирано е присуство на 0,56 промили алкохол во крвта.
