„МНР ми подготви дисциплинска постапка затоа што како претседател на Македонскиот дипломатски синдикат (МДС), јавно зборував за состојбите во дипломатијата и нејзиното можеби тенденциозно уништување. Насилието, ароганцијата и заплашувањето продолжуваат кон мене и членовите на Синдикатот, но залудно“, стои во отвореното писмо на Зоран Дабиќ, претседател на МДС.
Тој бара јавна поддршка, без разлика на национална и верска припадност, заедно да се избориме да не ни го одземаат правото на гласно зборување.
„Цел свој живот и кариера ги посветив на одбрана на македонските национални интереси и сега, неколку месеци пред пензија, нема да дозволам никој да ме замолчи! Дисциплинската постапка е покрената и покрај тоа што има низа прекршувања во истата на повеќе закони, дури и дел од Уставот на државата, кој толку сакаат да го споменуваат периодов! Нејсе, ова нека биде мој печат на мојата долгогодишна дипломатска кариера која ќе ја завршам за Македонија! Македонија е наша татковина, земјата моја и на моите деца! Моите пензионерски денови ќе ги уживам во прекрасните македонски места со убава македонска храна и прекрасни пријатели кои не познаваат вера и нација, туку само убаво поминати денови. Останете ми живи и здрави, секое раководство доаѓа и си заминува, додава тој во своето отворено писмо.
