Утрово во просториите на општина Гази Баба, градоначалникот Бобан Стефковски ги додели признанијата на учениците од општинските основни училишта кои беа прогласени за ученици на генерација.
Општина Гази Баба е единствената општина во Република Македонија која ја реализира оваа мерка.
За настанот, градоначалникот Стефковски информираше на својата официјална страна на фејсбук на која напиша:
Утрово имав средба со учениците од општинските основни училишта од општина Гази Баба кои се избрани за ученици на генерацијата 2014/2025, која оваа година го завршува основното образование.
Прогласени ученици на генерација се:
Мила Велковска – ООУ Наум Наумовски Борче;
Михаил Цветкоски – ООУ Григор Прличев;
Милан Стојчевски – ООУ Стив Наумов;
Александар Додевски – ООУ Кирил и Методиј;
Ангела Ѓорѓиевска – ООУ Наум Охридски;
Нух Авдиу – ООУ 25 Мај;
Милена Ивановска – ООУ Његош;
Бисера Дрндар – ООУ Крсте Мисирков;
Андреј Петровиќ – ООУ Крум Тошев;
Давид Арнаудов – ООУ Дане Крапчев;
Ева Митевска – ООУ Вера Јоциќ.
Општина Гази Баба е единствената општина во Република Македонија која на учениците кои се прогласени за ученик на генерација им доделува парична награда од 3000 денари и признание за постигнатиот успех.
Оваа активност се воведе со моето доаѓање за градоначалник на општина Гази Баба бидејќи наша должност е да го почитуваме и наградуваме успехот на најдобрите ученици, а со тоа да бидеме мотивација за сите останати.
Им честитам на учениците за постигнатиот успех и посакувам да продолжат да бидат успешни средношколци, а потоа и студенти! – напиша Стефковски.
