Асоцијацијата на спортски обложувалници на Македонија (АСОМ) ќе додели еднократна финансиска помош во висина од 60.000 денари по семејство на семејствата на настраданите во пожарот во модуларната болница за ковид пациенти во Тетово.
„Ова е голема загуба за семејствата на кои во оваа прилика им изразуваме длабоко сочувство. Човечкиот живот е ненадоместлив и не постојат зборови за утеха. Но во овие моменти на неизмерна болка и тага за блиските на починатите, сакаме да понудиме искрена поддршка и помош. Заедно со членките, едногласно и без двоумење одлучувме да донираме парични средства на сите семејства кои загубија свој близок во пожарот во Тетово“, истакнуваат од АСОМ.
Средствата ќе бидат префрлени на наменската сметка на Црвениот крст на РСМ.