![0-02-05-dbd94b2ed050267e339c21ca1ad05c43b017466cb6c7ba101032a661894d45f2_9528ed6c4c8be8f9](https://i0.wp.com/netpress.com.mk/wp-content/uploads/2024/05/0-02-05-dbd94b2ed050267e339c21ca1ad05c43b017466cb6c7ba101032a661894d45f2_9528ed6c4c8be8f9.jpg?resize=696%2C522&ssl=1)
Во градинката ЈДГ Весели Цветови – Општина Кисела Вода се одбележа 15 Мај – Меѓународен ден на семејството преку реализација на активност – дружење со родителите на децата и децата од воспитната група 2-3 години – Појадок со мама и тато!
Воспитувачката Клементина Петрушевска и негувателката Мирјана Ангелески преку активности и игри ги вклучија родителите во утринските активности и рутини на децата во градинка, заеднички појадок и активности во кои споделија искази за семејството и семејните вредности со изработка на постер како и ликовна активност со цртање и изработка на тема: Моето семејство!
Дружењето и активностите се дел од соработката и поддршката на родителите и децата од градинката како и унапредување на раниот детски развој.
![](https://i0.wp.com/netpress.com.mk/wp-content/uploads/2024/05/0-02-05-2abe0ca49260e48fca11536ae8e886dbd1251866fc0b5b644176ee8560900834_e23443fdcc122674.jpg?resize=360%2C480&ssl=1)
Целта за одбележување на овој настан е подигнување на свеста кај родителите/старателите за воспитувањето на децата и нивната благосостојба засновано на взаемо почитување, помагање, грижа, нега и меѓусебна поддршка.
„Семејството е најголемо богатство и благослов! Место на љубов, поддршка и радост! Затоа да ги негуваме и почитиваме семејните вредности! Градинката секогаш ги поддржува децата и нивните семејства преку различни видови на соработка и активности со цел да ги помага кон позитивно родителство и воспитивање на среќни деца,“ истакнува Клементина Петрушевска, воспитувач во градинката ЈДГ Весели Цветови – Општина Кисела.
![](https://i0.wp.com/netpress.com.mk/wp-content/uploads/2024/05/0-02-05-b765828f91c4c0aac808f39384cea5844807ab89574e8d0f17aaba511c5f1bef_e2ca153f8fc009f9.jpg?resize=640%2C480&ssl=1)
![](https://i0.wp.com/netpress.com.mk/wp-content/uploads/2024/05/0-02-05-6afb413030bf1c8cd8f962a59e9d27fdf79f40cb18ee09be75860562cdf57aef_3057c27929201fef.jpg?resize=360%2C480&ssl=1)