Русија нема да води никакви преговори со режимот во Киев по терористичкиот напад на Украина врз регионот Курск, изјави портпаролката на руското Министерство за надворешни работи Марија Захарова на брифинг со новинарите, објави ТАСС.
„Во јуни оваа година, рускиот претседател Владимир Путин, како гест на добра волја, изнесе сосема реални предлози. Тие беа насочени кон долгорочно и правично решение. Сепак, криминалниот терористички режим на украинскиот претседател Володимир Зеленски, наместо сериозно да ги разгледа – ми се чини, најблаго речено, најдарежливите предлози од руската страна – изврши крвав терористички напад врз регионот Курск и неговите жители, а нападот беше самоубиствен за режимот на Зеленски“, рече таа.
„Украинските милитанти и странските платеници вршат злосторства, пукаат во цивили, новинари, удираат цивилна инфраструктура и ги загрозуваат капацитетите за нуклеарна енергија. Па, какви мировни преговори може да има во такви услови и со кого? Се разбира, мировни преговори со терористичкиот режим во Киев не доаѓаат предвид“.
Захарова нагласи дека „ова беззаконие се случува со целосен договор со Западот и негово охрабрување на терористичките активности од режимот во Киев“.
„Јасно е дека ниту на Киев, ниту на Соединетите Држави, ниту на нивните миленици на НАТО им треба решение. Тие се заинтересирани, како што веќе кажаа, да ѝ нанесат максимална штета на Русија. Според тоа, ова го одложува секое решение и придонесува за ескалација на конфликтот“, рече Захарова.
Таа предупреди дека тероризмот „се шири и се претвора во меѓународно терористичко движење, со потекло од европско тло“.
„Да, ѓубривата се американски, но почвата е европска и овие терористички никулци се појавија на неа и сега се шират низ светот“, рече таа. „Режимот во Киев е терористичка организација, која, како што сега гледаме, веќе стигна до африканскиот континент.
Масовниот напад на Украина врз регионот Курск започна на 6 август. Таму е на сила вонредна состојба од федерално ниво и постојано се најавуваат ракетни предупредувања. Цивилите се евакуираат од пограничните области на безбедно. Според Министерството за вонредни состојби, има 197 центри за привремено сместување во 28 региони на Русија. Во моментов таму престојуваат повеќе од 11.500 луѓе, меѓу кои и повеќе од 3.500 деца.
Руското Министерство за одбрана соопшти дека Киев изгубил повеќе од 7.000 воен персонал и 74 тенкови од почетокот на воените дејствија во регионот Курск, објави ТАСС.
