![Lebanon's President Michel Aoun signs a decree for the formation of the new Lebanese government at the presidential palace in Baabda](https://i0.wp.com/netpress.com.mk/wp-content/uploads/2021/09/2021-09-10T122135Z_285382327_RC20NP9FTC1S_RTRMADP_3_LEBANON-CRISIS.jpg?resize=696%2C464&ssl=1)
Формирана е нова влада во Либан, со што се стави крај на 13-месечната блокада што доведе до уште подлабока финансиска криза и сиромаштија во земјата, објавија странските агенции, повикувајќи се на кабинетот на претседателот Мишел Аун.
Кабинетот на претседателот денеска соопшти дека е потпишан указот за новата влада, предводена од милијардерот бизнисмен Наџиб Микати.
Либан е без редовна влада од големата експлозија во пристаништето во Бејрут на 4 август 2020 година, што доведе до оставка на кабинетот на тогашниот премиер Хасан Диаб.
Оттогаш имаше несогласувања помеѓу различните политички групи околу составот на идната влада.