Бугарија ќе добие американски течен природен гас (LNG) од јуни, што ќе и помогне откако рускиот Гаспром го прекина снабдувањето со гас, соопшти владата во средата.
Аранжманот беше договорен на средбата меѓу премиерот Кирил Петков и американскиот потпретседател Камала Харис во Вашингтон.
„Вистинските испораки на течен природен гас за Бугарија по цени пониски од оние на Гаспром се договорени од јуни“, се вели во соопштението на владата, без дополнително објаснување.
На 27 април, Гаспром ја прекина испораката на гас за Бугарија и Полска затоа што одбија да платат во рубљи.
Бугарија годишно троши околу 3 милијарди кубни метри гас, од кои над 90 отсто доаѓа од Русија. Бугарија е во преговори со Азербејџан за зголемување на испораките на гас и се обидува да преговара за ЛНГ преку терминалите во Грција и Турција.
Таа, исто така, ја повика ЕУ да купува гас заедно за да ги направи цените поконкурентни.
