Побарувачката на германските индустриски производ остро паднала во април, трет месец со ред, покажаа податоците објавени во вторникот кои се толкуваат како намалени порачки од странство наводно под влијание на руско-украинската војна.
Новите нарачки во германската индустрија паднале во април за 2,7 отсто во однос на мар, кога биле намалени дури за 4,2 отсто, утврдило германското биро за статистика Destatis врз основа на сезонски прилагодените податоци.
„Побарувачката во април се намалила трет месец со ред, што првенствено може да се поврзе со војната во Украина“, тврдат од германското министерство за економија и заштита на климата.
Во однос на минатогодишниот април календарски прилагодената побарувачка на германски индустриски производи потонала за 6,2 отсто. Во март била помала за 3,1 отсто, покажуваат ревидираните податоци.
Странската побарувачка паднала во април за 4,0 отсто во однос на март, со поизразен пад на нарачките од другите земји во еврозоната за 5,6 отсто. Нарачките од другите земји намалени се за 3,0 отсто, а домашната побарувачка се лизнала за 0,9 отсто.
Најсилно во април паднала побарувачката на инвестициски производи, и тоа за 4,3 отсто, а следат потрошувачките производи со пад на новите нарачки за 2,6 отсто.
„Побарувачката повторно беше слаба, особено во странство, поради засилената неизвесност која ја создава руската инвазија во Украина. Не, листите на нарачки и натаму се добро пополнети, а во поедини стопански гранки приливот на нарачките всушност е зајакнат“, тврдат во германското министерство за економија и укажува на 3,8-процентен раст на нарачката на машини и 7,7-приоцентен во индустријата за облека.
Силно, пак, е придушена побарувачката во клучниот автомобилски сектор кој забележал 8,6 отсто помалку нарачки, додаваат од министерството и заклучуваат дека изгледите за германската индустрија во следните месеци „се придушени“.
