Фудбалерите на дортмундска Борусија го преземаа моменталнмо врвот на Бундеслигата откако во рамките на осмото коло на домашен терен го совладаа Мајнц со 3:1
Борусија поведе преку Марко Ројс во 3 минута и Ерлин Халанд во 54 под пенал и во четвртата минута од судиското продолжение на натпреварот ја тресеа мрежата на Мајнц за кој во 87 минута погоди Јонатан Буркард. За Ројс ова беше веќе 14-от погодок во 20 настапи против тимот на Мајнц, додека за Халанд ова се првите погодоци во првиот настап од крајот на септември кога паузираше поради повреда.
Со шестата првенствена победа сезонава Борусија Дортмунд во моментов го презема врвот на табелата со 18 бодов, два повеќе од Барен Минхен и Баер Леверкузен кои во недела меѓусебно го играат дербито на колото. Мајнц, пак, до крајот на колото со десет бодови ќе биде на 10-то место.
Фрајбург и РБ Лајпциг одиграа 1:1. Поведоа гостите со погодокот на Емил Форберг од пенал во 32 минута, а во 63 минута израмни Јеонг Ву-јеонг. Фрајбург дојде до четвртото место на табелата со 16 бодови, а РБ Лајпциг има 11 бодови и е на 8-то место.
Унион Берлин со головите на Таиво Авонији во 49 и Шералдо Бекет во 82 минута на домашен терен оствари значајна победа против Волфсбург. Со триумфот во саботата Унион Берлин со 15 бодови е на 5-то место минувајќи го Волфсбург кој остана на 13 бодови и е место подолу.
Херта со 2:1 впиша победа на гостувањето кај Ајнтрахт во Франхфур. Гостите од Берлин поведоа во 7 минута преку Марко Рихтер а водството го удвои во 63 минута Јирген Екеленкамп, а за домашните погоди од пенал во 78 минута Гоншало Пасиенсија,
Херта моментално е на 12-то место со девет бодови, додека Ајнтрахт остана на осум бодови и остана на 14-та позиција на табелата.
Важна гостинска победа забележа и Бохум за кој стрелец ка Гројтер Фирт во 80 минута беше Ентони Лаосила. Бохум во моментов е 15-ти со седум бодови, а Фирт и натаму со само еден бод е последен 18-ти.
Во последниот дуел во саботата во Менхенгладбах домашната Борусија и Штутгарт ги поделија бодовите играјќи 1:1. Гостите поведоа во 15 минута преку Константиност Мавропанос, а домашните до крајот на првиот дел успеаја да израмнат преку Јонас Хофман кој погоди во 42 минута.
Борусија Менхенгалдбах се задржа на десетто место со 11 бодови, а Штургарт е 12-ти со бод помалку.
Во недела во Леверкузен се игра дербито меѓу домашниот Баер и минхенски Баерн, како и дуелот меѓу Аугсбург и Арминија.
