Водечкото трио на француското фудбалско првенство, ПСЖ, Ница и Монако остварија победи во средбите од 17. коло на францускиот фудбалски шампионат. ПСЖ го победи Мец со 3:1, Ница го совлада Ланс со 2:0, додека Монако победи против Тулуз со 2:1 на гости.
Францускиот шампион дури во второто полувреме успеа да го скрши отпорот на Мец на „Паркот на принцовите“. Витиња го доведе ПСЖ во водство во 49. минута, а Килијан Мбапе во 61. зголеми на 2:0. Матие Удол ја врати надежта кај гостите со гол во 72. минута, но Мбапе ги разреши сите сомнежи со вториот гол на натпреварот во 83. минута.
Ница го совлада Ланс, исто така, во вториот дел, а херој на мечот беше Теремас Мофи, кој влезе во игра во 73. минута, а потоа за само пет минути на теренот постигна два гола. Нигерискиот напаѓач реализираше пенал во 76. минута, а две минути подоцна ја потврди победата за домаќините.
На средбата меѓу Тулуз и Монако сите три гола беа постигнати во првото полувреме. Домашните поведоа во 5. минута со голот на Франк Магри, но Монако до полувремето го сврте резултатот со головите на Висам Бен Једер (27, 44-11м). Гостите од 52. минута играа без исклучениот Александар Головин.
Лион ја продолжи победничката серија против Нант победувајќи со 1:0, што беше трета последователна победа на „лавовите“. Решавачкиот гол го постигна Александр Лаказет во 49. минута. Лион од 82. минута играше со играч помалку, откако Дејан Ловрен беше исклучен поради остар фаул.
Колото го одбележа играчот од средниот ред на Брест, Камори Думби, кој ги постигна сите четири гола во победата од 4:0 против Лориен, сите четири во првото полувреме. Малиецот беше стрелец во 22. минута, три минути подоцна, во 29. и 45. минута. Така Думбија стана само вториот играч кој постигнал четири гола во првото полувреме во меч од Лига 1 во последните 60 години, по Единсон Кавани кој успеа да го направи тоа во септември 2016 година за ПСЖ против Каен.
На табелата води ПСЖ со 40 бодови, Ница е втора со 35, додека Монако е на третото место со 33 бодови. Следат Брест (31), Лил (28), Марсеј (27)…, на дното се Лориен (12) и Клермон (11).
Француското првенство продолжува на 12. јануари.
