Еден од основачите на култните британски рок групи The Clash и Public Image Ltd, Кит Левен, починал во петокот на 65-годишна возраст, пишува во саботата The Guardian.
„Почивај во мир Кит Левен“, објави на Twitter поранешниот член на Public Image Ltd, Џа Вобл.
Левен починал во својот дом во англиската грофовија Норфлок од рак на црниот дроб, оставајќи трајно влијание врз британската рок-музика, пишува весникот.
Гитаристот заедно со Мик Џонсон ги основаа The Clash на 18-годишпна возраст, но постигна голем успех со Public Image Ltd, кои беа формирани по распадот на панк-рок бендот Sex Pistols.
Нивниот прв албум под наслов „ Public Image: First Issue“ се искачи до 22-то место на топ-листите во 1978 година. Му претходеше класичниот сингл „ Public Image“ кој се проби меѓу ТОП-10. Нивниот втор албум „Metal Box“ од 1979 година се смета за пост-панк класика.
