Познатиот американски концептуален уметник од шведско потекло Калс Олденбур почина во 93-та година од животот во Њујорк, објави „Paula Cooper“.
Олденбург се прослави по тоа што секојдневието го претвораше во уметност, а славата ја стекна уште во 1960-те години со уметничките инсталации на предимензионирани предмети за секојдневна употреба.
Неговите гигантски лажици, ножеви, кваки, безопасни игли, телефони и корнети за сладолед и денеска ги красат јавните површини ширум светот, иако неговите идеи во почетокот биле предмет на остри критики.
Меѓутоа, смелите, духовити и длабоки прикази на предметите за секојдневна употреба му ја донесоа репутацијата на еден од најважните уметници во XX век.
Го сметаат дека е еден од најистакнатите претставници на поп-артот во вајарството. Самиот Олденбург своите дела ги дефинираше како споменици на конзумеризмот, односно потрошувачкото општество на изобилството.
Роден во Шведска во 1929 година, Олденбург со семејството се преселил во Чикаго во 1936 година, студирал книжевноста и историја на уметноста на Универзитетот Јеил, а го посетувал и Уметничкиот институт во Чикаго. Од 1956 година живеел во Њујорк, каде што брзо станал истакната фигура во градската авангарда, поставувајќи ја во 1960 година „The Street“ импресивна инсталација на висечки трудови направен од урбан отпад, а потоа следната 1961-ва и со „The Store“, изложба на мали гипсени скулптури на секојдневни предмети поставени во вистински изнајмен излог.
Меѓу неговите најпознати дека е „Clothepin“, поставено на Сентер Сквер Плаза во Филаделфија, 13,7 метри високи челични штипки поставени во текот на одбележувањето на двесте години од формирањето на САД во 1976 година.
Познато е и 29 метри високото дело „Batcolumn“ од 1977 година кое прикажува бејзбол палка, а во Лас Вегас делото „Flashlight“ се издига 11,7 метри висока светилка.
Во Вашингтон неговото дело е претставено со голема гумичка за машина за пишување од челик и стаклопластика во градината на скулптурите на Националната уметничка галерија. Неговите дела може да се видат и во Барселона, Токио, Ротердам, Сеул, Мидлсборо, Лос Анџелес…
Во 2000 година тогашниот американски претседател Бил Клинтон му го додели Националниот медал за уметност.
