Хелсинки е домаќин на состанокот на двајца од најмоќните лидери на светот, рускиот претседател Владимир Путин и неговиот американски колега Доналд Трамп. Нивниот состанок требаше да започне во 12.15 часот, но истиот се помести, бидејќи авионот на Путин слета речиси еден час подоцна отколку што беше предвидено.
Путин кратко изјави дека му е задоволство што се сретнал со Трамп. Трамп му честиташе на Путин за добрата организација на Светското првенство во фудбалот и рече дека има многу теми за кои треба да се зборува.
Како што објавија медиумите, нивното ракување траеше околу три секунди и двајцата изгледаа доста сериозно. По позирањето за камери и поздрави, нивниот состанок започна зад затворени врати.
Рускиот претседател прв пристигна во Претседателската палата Ментиниева во Хелсинки, а потоа пристигна и неговиот американски колега. Откако Трамп го чекаше Путин да слета, американскиот претседател одлучи дека сега го тестира малку трпеливоста на својот руски колега и го натера да чека во палатата.
Тие беа пречекани од финскиот претседател Саули Нинисте во палатата.
На самитот во Хелсинки Путин за прв пат во странство ја донесе својата нова лимузина „кортеж“, за прв пат промовирана на неговата инаугурација
