Министерството за правда на Соединетите држави поднесе дополнителни обвиненија против поранешниот американски претседател Доналд Трамп во тековниот случај за неправилно постапување со доверливи документи.
Според документот, поставен во четвртокот во електронската база на податоци на Окружниот суд на САД за јужниот округ Флорида, обвинението додава уште едно обвинение за неправилно постапување со документите за одбрана.
Освен тоа, како дел од случајот е обвинето уште едно лице, заедно со Трамп и неговиот помошник Волт Наута. Новиот обвинет Карлос Де Оливеира, е осомничен дека се обидел да ги уништи снимките од надзорните камери во летото 2022 година.
