Берлинската полиција денеска изврши неколку рации насочени кон левичарска феминистичка група обвинета за поддршка на палестинска милитантна организација, јави ДПА.
Шест станови и две други соби на членовите на групата Зора биле претресени утрово, соопшти портпарол на полицијата.
Се смета дека членовите на Зора активно го поддржуваат радикално левичарскиот Народен фронт за ослободување на Палестина (ПФЛП), кој е класифициран како терористичка организација од ЕУ и САД. Тие се обвинети дека користеле амблеми на неуставни и терористички организации.
Зора на интернет канал се опишува себеси како „организација на млади жени“ која е „антикапиталистичка, интернационалистичка, антифашистичка“.
Според извештајот на весникот БЗ, 170 полицајци биле распоредени во Берлин за рациите.
