Белградската полиција ќе го исуши каналот каде што беше најдено телото на брутално убиената пејачка Јелена Крсмановиќ Марјанович, со цел да пронајде нови материјални докази во врска со случајот, а можеби и предметот со кој што била убиена, пишува српски „Курир“.
Полицијата ваквата одлука за проширување на истрагата ја донела пред неколку дена.
Полицијата и форензичарите секојдневно го пребаруваат подрачјето кај насипот во населбата Црвенка, а се бараат нови докази што ќе укажат на убиецот и ќе го расветлат овој случај.
Сепак, полицијата засега не изфрла ниту една можност. Според нив подеднакво е можно Јелена да е убиена на местото каде била најдена, но и да била убиена на друго место, а телото само да било фрлено во каналот кај насипот.
