Полското државно обвинителство ја истражува експлозијата од средата во седиштето на националната полиција, соопштено е во петокот откако инцидентот протече во медиумите во четвртокот.
Полското министерство за внатрешни работи во четвртокот по медиумските извештаи потврди дека директорот на полицијата Јарослав Шимчик во средата утрото бил ранет и хоспитализиран откако во неговиот кабинет експлодирал подарокот што го примил во текот на посетата на Украина неколку дена претходно.
Според извештаите на полските медиуми, станува збор за фрлач на гранати кој Шимчик лично случајно го активирал во својот кабинет, што би значело тешко кршење на безбедносните прописи.
„Се истражува чинот на ненамерно предизвикување на силно ослободување на енергија што биле закана за животот или здравјето на многу луѓе или имоти“, вели државното обвинителство во одговорот за агенцијата Reuters.
Агенцијата не добила одговор од украинското разузнавање Службата за безбедност на Украина (СБУ) на прашањето од четвртокот дали биле контактирани во врска со експлозијата.
Се додава дека три лица, меѓу кои и Шимчик, биле повредени, но не се изнесуваат повеќе поединости. Медиумите во четвртокот објавија дека во експлозијата бил оштетен таванот на објектот. Ниту полицијата, ниту обвинителството не скала да даваат други коментари.
