Полските здравствени валсти пријавија во средата 29.978 дневни случаи на зараза со коронавирусот, најмногу од почетокот на пандемијата.
Уште 575 луѓе починале како последица на компликациите предизвикани од Covid-19, со што бројот на починатите се зголеи на 50.340 луѓе.
Ситуацијата во Полска е полоша отколку во текот на претходните пикови на епидемијата минатата есен, бидејќи повеќе луѓе мора да бидат хоспитализирани, и покрај споредливиот број на вкупните зарази, изјави министерот за здравство Адам Нједжиелски.
Британскиот сој на коронавирусот, многу позаразната мутација од оригиналниот распространетиот вирус, сега е доминантен во Полска.
Во целата земја зафатени се околу 75 отсто од достапните болнички кревети за пациентите заболени од Covid-19. Истото важи и за болничките кревети опремени со респиратори за потешките пациенти, изјави премиерот Матеуш Моравјецки. Притоа предупреди дека „најтешкото допрва е пред нас“.
Новите рестриктивни мерки поради коронавирусот, вклучитено и затворање на училиштата, хотелите, културните институции и спортските објекти, се применуваат во Полска од саботата, но новите ограничувања допрва ќе следат. Според премиерите, новиот сет ограничувања за седмиците пред и по католички Велигден, ќе бидат објавени во четврток.
