Полскиот министер за внатрешни работи Мариуш Камински објави дека се воведени санкции за 35 компании и 15 физички лица од Русија, вклучително и гасниот гигант Газпром, поради инвазијата на Москва на Украина, јави денеска полската државна новинска агенција ПАП, објави Нова.рс.
„Првичната листа се состои од 50 имиња на руски олигарси и компании кои работат во нашата земја“, рече Камински.
Како што наведе, санкциите го вклучуваат енергетскиот гигант Газпром, голем производител на ѓубрива „Акрон груп“ и неговиот извршен директор Вјачеслав Кантор.
„Акрон има речиси 20% удел во полскиот државен производител на хемикалии Азоти груп“, објасни Камински.
Понатаму, санкциите се насочени кон субјектите кои увезуваат руски јаглен во Полска, како и кон гасната компанија „Новатек“ и производителот на ѓубрива „ФосАгро“.
Според Камински, главната санкција ќе биде „замрзнување на финансиите и богатството на оние на списокот, кои ќе бидат исклучени од јавните тендери, а на олигарсите ќе им се забрани влезот во земјата.
Заменикот на Камински, Маицеј Васик истакна дека во последните две години 18 санкционирани фирми префрлиле 1,3 милијарди евра од Полска во Русија.
Според ПАП, полската влада ја донела одлуката по неодамнешното усвојување на законот кој овозможува такви санкции, а одлуката била објавена на денот кога Моравјецки требало да разговара со германскиот канцелар Олаф Шолц за нови санкции против Русија.
Во исто време, МВР на својата веб-страница објави список со 35 фирми и 15 физички лица за кои се однесува последниот пакет санкции.
Според него, санкции биле воведени, меѓу другото, на бизнисменот и прокремљ олигарх, близок до Владимир Путин, Олег Дерипаска, потоа на основачот на најголемата руска приватна банка, Алфа банка, Михаил Фридман, како и на енергетскиот бизнисмен и долгогодишен познаник на (белорускиот претседател) Александар Лукашенко, Михаил Гучерив и на неговиот брат Саит-Салам Гучеријев.
На списокот е и основачот на „Касперски лаб“, Евгениј Касперски, чие санкционирање, како што е наведено на веб-страницата на министерството, може да ја намали можноста за ширење опасен софтвер и со тоа и на приходната страна на рускиот буџет од кој с финансира војната во Украина.
На рускиот олигарх Андреј Мелниченко му е забранет влез во Полска, а на неговата сопруга Александра Мелниченко и се замрзнаа финансиските средства „и економските ресурси“, како и на Борис Нуралиев, милијардер и основач на концернот 1C, еден од најголемите руски производители на софтвер и Најголемиот руски франшизер.
Меѓу стопанските субјекти на списокот, меѓу другото, се и најголемиот руски производител на тешки камиони Камаз, „кој ги снабдува и руските вооружени сили“, „Новатек грин енерџи“ како подружница на „Новатек“ и „Новатек“ кој е „втор по големина производител на гас“во Русија.
Тука е и Гаспром, како „веројатно најмоќниот руски економски субјект“, бидејќи се занимава со снабдување со гас на Европската унија и со контрола на Северен тек 1 и 2, а Wildberry, најголемата руска онлајн продажна мрежа, е обвинета за продажба на руски воени униформи и антиукраинската литература.
Русија денеска ја прекина испораката на гас за Полска, објави порталот Онет, повикувајќи се на извори од владини кругови и енергетската компанија PGNiG, наведувајќи дека „крајниот рок за плаќање на гас во руска валута истече минатиот петок“.
