Сите полски опозициски партии ги отфрлија обидите на премиерот Матеуш Моравјецки да формира коалициска влада по минатомесечните избори, рекоа пратениците во средата, уривајќи ги неговите и онака мали надежи да остане на власт.
Конзервативната партија Право и правда (PiS) на Моравјецки не успеа да освои апсолутно мнозинство на изборите на 15-ти октомври. Претседателот Анджеј Дуда, сојузник на PiS, му даде можност на првиот да формира нова влада како поединечно најбројна партија во Сејмот (парламентот).
Моравјецки ги повика другите партии да му се придружат во „Коалицијата за полски прашања“, ветувајќи дека ќе ги спроведат нивните предлози за политика.
„Изненаден сум затоа што многупати јавно му кажав на премиерот дека оваа фарса е непотребна, дека непотребно ја продолжува агонијата на оваа влада“, изјави за државните вести Марек Савицки, претставник на Полската селанска партија (PSL), пренесе полската службена новинска агенција PAP.
Партијата PSL влезе на изборите во коалицијата Трет пат, која се согласи да формира проевропска коалициска влада со Новата левица и либералната Граѓанска коалиција. Овие три партии заедно можат да имаат мнозинство во Долниот дом на парламентот. Тоа го покажа и изборот на пратеникот од Третиот патм Шимон Холовни за нов претседател на Долниот дом.
