Од меѓународниот аеродром во Сараево денес е откажан летот од Скопје, како и летовите од Џеда, Дубаи, Франкфурт, Истанбул, Загреб, Виена и бројни други дестинации, објавено е на веб-страницата на аеродромот во Сараево. Причина за откажувањето на летовите е густата магла во главниот град на Босна и Херцеговина.
Сараево е на самиот врв на најзагадени градови во светот, а поради опасноста по здравјето на населението се препорачува да се избегнува поминување време на отворено. Исто така, на граѓаните им беше препорачано да не се отвораат прозорците и да се користат прочистувачи на воздух.
Босанските градови се на врвот на светските табели за загаденоста на воздухот од минатиот викенд, при што главниот град Сараево објави предупредување за квалитетот на воздухот, а експертите за зголемувањето го обвинуваат согорувањето на цврсто гориво во станбените простории и транспортот.
Ветувањето на властите во Сараево беше дека градот ќе го ослободат од јаглерод до 2035 година, но кризата со трошоците за живот ги принуди луѓето да избираат поевтини цврсти горива за греење во домот и да возат постари автомобили со повисоки емисии на загадувачи, велат експертите.
Земјата, а особено Сараево, кое е вгнездено во долина меѓу планини, со децении страда од лошиот квалитет на воздухот.
И покрај затворањето на рударството и тешката индустрија, Босна и понатаму е една од најзагадените земји во Европа.
