Лекар кој останал без работа во њујоршката градска болница поукал во болничката зграда во петокот и убил лекарка и ранил шест лица пред да се убие соопшти полицијата додавајќи дека насилството очигледно е поврзано со спор околу работното место.
Напаѓачот, кој бил облечен во бел лекарски мантил, предизвикал паника во болничкиот центар во њујоршкиот кварт Бронкс, и се обидел да се самозапали пред полицијата којашто ја пребарувала зградата да го најде мртво, изјавил полицискиот претставник Џејмс О’Нил.
Убил лекарка а шест други луѓе ранил, од кои пет тешко, вклучително и лице кое го застрелал во ногата, рекол О’Нил на прес-конференција.
Њујоршкиот градоначалник Бил де Блазио изјави дека станува збор за „изолиран инцидент“, и оти се чини дека е поврзан со поранешното работно место на сторителот. Негираше дека станува збор за терористички чин.
