Русија е принудена да прибегне кон компензаторни мерки со оглед на активностите на САД во однос на европската безбедност, рече рускиот министер за надворешни работи Сергеј Лавров во Минск на пленарната седница на меѓународната конференција на високо ниво насловена „Евроазиска безбедност: реалност и перспективи во трансформирање на светот“.
„Западот го уништи системот на мерки за градење доверба и контрола на вооружувањето во Европа. Доволно е да се потсетиме на повлекувањето на САД од договорите за противракетна одбрана, за забрана на ракети со среден и помал дострел. Зголемените стратешки ризици произлегуваат од напредното поставување на американското нуклеарно оружје во голем број европски земји и спроведувањето на таканаречените заеднички нуклеарни мисии“, рече Лавров.
„Ова има исклучително дестабилизирачки потенцијал. Во услови на општ пораст на заканите од НАТО, нè принудува да прибегнеме кон компензаторни мерки“, нагласи Лавров.
Според рускиот министер за надворешни работи, западните геополитички инженери, кои „очигледно изгубиле каква било врска со реалноста и мислат дека се Божји намесници на Земјата, не се засрамени од фактот што нивните постапки ги прегазиле обврските преземени на највисоко ниво, вклучително и во ОБСЕ (Организација за безбедност и соработка во Европа), да се запази принципот на еднаква и неделива безбедност“. Тоа подразбира да не се зајакне сопствената безбедност на сметка на другите и да не се дозволи ниту една земја или организација да доминира во Европа, посочи Лавров.
„НАТО го прави токму спротивното. И самиот ОБСЕ, кој првично беше замислен како паневропска платформа за еднаков дијалог и широка соработка, со напорите на членките на НАТО и ЕУ се трансформира во маргинална структура која не влијае на безбедносна состојба во која било мерка“, заклучи Лавров.
