Настојувањата на Германија да го реши недостигот од милиони квалификувани работници може да ја чини земјата позицијата на една од водечките светски економии, доколку владата наскоро не преземе соодветни потези, предупреди во понеделникот министерот за труд Хубертус Хајл.
„Ако сега не го решиме проблемот со недостигот од квалификувана работна сила, тоа ќе стане главната пречка за растот во Германија“, рече Хајл на конференција во Берлин.
Секој ден е сѐ поважно „сите луѓе кои сакаат да работат да почнат да работат, да добијат обука“, се надоврза министерот за економија Роберт Хабек.
„На долг рок, ова ќе биде одлучувачкото прашање дали Германија ќе расте и дали ќе може да се зголеми или да се одржи просперитетот во земјата“, додаде тој.
Посочи додаде дека во моментов се слободни стотици илјади работни места. „Треба да си слеп за да не видиш дека тоа во иднина ќе го има уште повеќе“, предупреди министерот.
Министерот за труд Хабертус Хајл ги наведе стабилното снабдување со енергија, забрзаното планирање и обезбедувањето квалификувана работна сила како најважните чекори за да се осигури германската економија да остане силна.
„И покрај сите приказни, ние сме всушност силна земја, но потребен ни е одреден исчекор“, рече Хајл. Кога станува збор за обезбедувањето квалификувана работна сила, тој додаде дека „времето истекува“ за Германија.
До 2035 година, седум милиони квалификувани работници ќе заминат во пензија, рече Хеил, цитирајќи студија на Институтот за истражување на вработувањето. Нагласи дека 1,6 милиони млади луѓе на возраст од 20 до 29 години немаат почетна стручна обука.
Министерката за образование Бетина Штарк-Ватцингер рече дека повеќе од 45.000 луѓе „го напуштаат образованието без никакви квалификации“ секоја година.
Младите на конференцијата се пожалија на недостаток на пракса во образованието и рекоа дека посетувањето стручни училишта сѐ уште се смета за инфериорно во однос на студирањето на универзитетите.
