Јавниот обвинител Гаврил Бубевски, во гостување на „Телма“, за случајот со трагично загинатата Фросина Кулакова посочи дека постапката е проширена и против родителите на обвинетиот Васил Јованов, кој управувал возило под дејство на алкохол, бил без возачка дозвола и поминал на црвено. Последниот момент дополнително ја зголемува кривичната одговорност и внесува умислен аспект.
„Умислата тука се подразбира. Сторителот бил свесен за своите дејствија, а сепак се согласил со последиците. Возење под дејство на алкохол, со брзина над дозволената, влегување на пешачки премин при црвено светло – сето тоа покажува дека умислата е дефинирана“, изјави Бубевски.
„Испитуваме дали родителите свесно му овозможиле пристап до возилото, што претставува средство за предизвикување општа опасност“, додаде тој.
Јованов во 2023 година, предизвикла сообраќајка, удрајќи во друго возило и притоа полесно била повредена сопатничка, но завршил само со парична казна. На прашањето како можел толку долго да вози без дозвола и да остане неоткриен, обвинителот посочи дека превенцијата започнува од самите граѓани и семејствата.
„За да спречиме вакви случаи, сите мора да преземеме одговорност – од семејството па натаму“, истакна тој.
