Централната изборна комисија на Белорусија денеска официјално ги потврди конечните резултати од претседателските избори одржани на 26 јануари и ја потврди победата на Александар Лукашенко.
Според конечните податоци, Лукашенко освоил 86,82 отсто од гласовите, пренесува руските медиуми.
По него следуваат Сергеј Сиранков со 3,21 отсто, Олег Гајдукевич со 2,02 отсто, Ана Канопатскаја со 1,86 отсто и Александар Хижниак кој освоил 1,74 отсто од гласовите.
Од околу 6,9 милиони гласачи со право на глас, на гласање излегле 85,69 отсто од граѓаните.
-Ниту граѓаните, ниту набљудувачите при гласањето и пребројувањето на гласовите не добија поплаки за прекршување на изборниот закон што може да влијае на исходот од изборите, изјави претседателот на Централната изборна комисија, Игор Карпенко.
