Повеќе лица се повредени во пожар што го зафати ноќта кон средата 27-катниот станбен комплекс „Grenfell Tower“ во западниот дел од Лондон.
Според противпожарната служба, огнот ги зафатила сите катови од вториот до врвот на комплескот. Некои луѓе останале заробени во становите, и од прозорците на повисоките катови барале помош, известуваат медиумите.
„На повеќе лица им е неопходна медицинска помош поради разни видови повреди. Станарите и натаму се евакуираат“, објави лондонската полиција на Twitter рано утрото во средата.
Причина за пожарот кој избувнал околу 1,30 часот по полноќ засега не е познат. Во неговото гаснење биле ангажирани околу 40 противпожарни возила, а на местото на инцидентот биле испратени и 20 амбулантни возила.
https://www.youtube.com/watch?v=E7FSFEAJasU
