Седмицата рекордно топло време во западна Канада принуди илјадници луѓе да ги напуштат своите домови поради шумските пожари во Алберта и поплавите поради брзото топење на снегот во Британска Колумбија.
Во петокот, на повеќе од 13.000 луѓе ја примиле наредбата да се евакуираат во Алберта, каде избувнаа 78 пожари.Меѓу најтешко погодените е областа Литл Ред Ривер Кри Нејшн, каде пожарот уништил 20 домови и полициска станица.
Во Алберти годинава имало 348 шумски пожари и изгореле над 25.000 хектари, а властите очекуваат пожешко, ветровито време и повеќе шумски пожари.
Во Британска Колумбија, реките се излеаја од своите корита, поплавувајќи ги домовите и предизвикаа затворање на автопатите во голем број заедници во внатрешноста на провинцијата, вклучувајќи ги Кеш Крик и Гранд Форкс.
До минатата недела, западна Канада претрпе студена пролет, но невообичаено високите температури, на места 10 до 15 Целзиусови степени над просекот за почетокот на мај, предизвикуваат и пожари и поплави.
Владата на Британска Колумбија ги повика жителите да се подготват за нови поплави во текот на викендот.
