Членот на канадскиот хип-хоп реге бенд Halfsizegiants, Маркленд Ентони Кемпбел, попознат како Џахијант Џан, е убиен во пукање во центарот на главниот град Отава, пренесува во саботата телевизискиот канал CTV News.
Инцидентот се случил во петокот доцна ноќта по локално време на тамошниот пазар Бајворд, кога непознат двапати стрелал во музичарот. Во оваа област се наоѓаат многу кафулиња и ресторани, и изминатата ноќ била преполна со луѓе кои го следеле натпреварот на Торонто Рапторс во финалето на НБА лигата.
Фановите на групата на социјалните мрежи во саботата пишуваат дека Кемпбел бил „хип-хоп“ легенда на Отава.
Според полицијата, 41-годишниот Кампбел бил пренесен во болница во критична состојба, но им подегнал на повредите. Очевидци изјавиле дека полицијата и возило на службата за итна помош пристигнале на местот на настанот околу пет минути по пукањето.
Припадниците на правосудните и органите на прогонот ги утврдуваат околностите на инцидентот, а по напаѓачот се води интензивна потрага. Засега не се познати мотивите за убиството.