Во Македонија денес претпладне ќе биде сончево и топло со мала до умерена облачност и со слаб до умерен јужен ветер. Попладне облачноста ќе се зголеми и најпрво во западните делови ќе има развој на нестабилна облачност со пороен дожд и со грмежи.
Во вечерните часови врнежите ќе се прошират и на останатите делови од земјата. Утринската температура ќе се движи од девет до 17, а дневната од 24 до 31 степен.
Во Скопје претпладне ќе биде сончево со умерена облачност, а доцна попладне и во вечерните часови ќе биде нестабилно со пороен дожд и со грмежи. Утринската температура ќе се спушти до 14, а дневната ќе се искачи до 29 степени.
Врнежливото и нестабилно време ќе продолжи до вторник. Во недела и во понеделник локало процесите ќе бидат поинтензивни со пообилни врнежи и со силни електрични празнења.
