Само неколку дена пред Божик кој Украина првпат во историјата официјално го слави на 25-ти декември според западната католичка а не на 7-ми јануари согласно нејзината досегашна православна традиција, украинскиот претседател Володимир Зеленски апелираше на борбениот дух на Украинците и да не потклекнуваат во одбраната на земјата.
„Потребно е максимално внимание за одбраната, максимален напор за државата, максимална енергија за Украина да ги постигне своите цели“, рече Зеленски во своето вечерно видео-обраќање во Киев во четвртокот. „Времето за одмор ќе дојде подоцна“, рече тој.
„Сега, пред Божик, сите во нашата држава мора да запомнат дека ова е време за концентрација, време за работа“, рече Зеленски. „Судбината на земјата ќе се решава во регионите Харков, Луганск, Доњецк, Запорожје и Херсон“, додаде.
Дваесет семејства на украински херои добија станови од државата во четвртокот.
„Секој војник, морнар и офицер на кој му е доделена титулата херој ќе го добие истото признание од државата’, рече Зеленски.
