Автомобил удрил пешак во Скопје.
На 27.10.2017 година околу 22 часот и 20 минути на булевар “Крсте Мисирков” патничко моторно возило со скопски регистарски ознаки управувано од 51- годишен Р.А од Скопје удрило во пешакот 19- годишен К.Г од Р. Косово, кој живее во Скопје, информираат од МВР.
Од полиција информираат дека Р.А. го напуштил местото на настанот и во 23 часот и 30 минути сам се пријавил во Полициската станица Центар.
Од сообраќајната незгода со повреди се здобил пешакот и истиот со возило на брза помош е пренесен во Градска општа болница “Св. Наум Охридски”, каде му се констатирани тешки телесни повреди (фрактура на лева потколеница и повреда на лево рамо), по што е однесен во Ургентен Центар на трауматологија, каде е задржан на понатамошно лекување .
