Кошаркарите на белградска Црвена ѕвезда го впишаа шестиот последователен пораз во Евролигата, откако во рамките од 30 коло во домашната „Арена“ беа поразени од грчки Панатинаикос со 76:89.
Ѕвезда добро го отвори мечот, но нејзиниот налет кусо траеше, па грчкиот претставник брзо ја презема иницијативата и со стопроцентна серија „тројки“ брзо ја презема иницијативата и предноста ја задржа до крајот на мечот.
Во првиот дел ПАО главно поентираше со удари за три поени – 9 од 13, додека во вториот дел доминираше поранешниот играч на Партизан, Матијас Лесор.
Црвена ѕвезда во вториот дел ја зајакна одбраната и неколкупати доаѓаше на едноцифрена негатива, но секогаш во важните моменти нејзините играчи правеа несфатливи грешки во нападот. Како што одминуваше играта и одбраната во последните две четвртини попушти, ја загуби агресивноста и цврстината.
На крајот Панатинаикос заслужено триумфираше, иако ѝ овозможи на Ѕвезда да се обиде да направи пресврт. Но „црвено-белите“, играчки ослабени, немаа расположен играч во нападот.
Најефикасен во тимот на Панатинаикос беше Лесор со 10 поени и 6 скокови, а по 17 коша постигнаа Динос Митоглу и Костас Слукас а вториот имаше и 10 асистенции. Двоцифрени беа и Кендрик Нан со 15 и Џеријан Грент со 12 поени. Кај Ѕвезда по 19 поени постигнаа Дејан Давидовац и Немања Недовиќ, а Џоел Боломбој постигна 11 поени со осум скокови.
Панатинаикос сега има скор 19-11 и е на третото место на табелата, останувајќи во борбата за второто место во елитното натпреварување на крајот од регуларниот дел од сезоната. Ѕвезда, пак, е на 16 место со само 10 победи и двојно повеќе порази.
Во следното коло Црвена ѕвезда во петок му гостува на Виртус во Болоња, додека Панатинаикос дома во Атина ќе ја пречека Барселона.
А токму Катаолнците во дербито од ова коло на Евролигата, беа поразени со 74:88 од кошаркарите на Фенербахче. Турскиот тим по првата четвртина водеше против Барселона со 12 разлика, а на полувремето имаше големи +21 (46:25). Во третиот период Барса ја намали негативата на само пет поени (57:62), а на стартот од последната четвртина беше 59:62, но Фенер побегна со серија од 7:0 на +10 (69:59), набрзо имаше 15 а потоа и 16 разлика, спокојно приведувајќи го натпреварот кон крајот.
Скоти Вилбекин ги предводеше домаќините до 19. победа со 18 поени, а Марко Гудуриќ и Ник Калатес му се придружија со по 13 поени. На спротивната страна најефикасни беа Дарио Бризуела со 18 поени и Николас Лапровитола со 11 поени.
Барселона е втора на табелата со 20 победи и десет порази, додека Фенербахче е четврти со скор 19-11.
ЕА7 Емпорио Армани Милан го совлада Монако на гости со убедливи 98:80. Никола Миротиќ со 21 поен, Девон Хол со 14 и Стефано Тонут со 13 поени ги предводеа гостите, додека кај Монако најефикасни беа Алпа Диало со 17 и Џордан Лојд со 14 поени.
Италијанскиот тим моментално е на 13. место со 13 победи и 17 порази, додека Монако е четврти со скор 19-11.
Во последниот натпревар од вечерта, Валенсија го победи Баерн со 70:68. Германскиот тим го имаше последниот напад за продолжение или победа, но Владимир Лучиќ промаши за „тројка“ и за победа. Кај Валенсија Крис Џонс постигна 19, а Демиен Инглис 15 поени, додека кај германската страна најефикасни беа Девин Букер со 16 и Силвен Франциско со 12. Хрватскиот кошаркар Данко Бранковиќ не играше за Баерн.
РЕЗУЛТАТИ:
Среда
Фенербахче – Барселона 88:74
Монако – Армани Милано 80:98
Црвена ѕвезда – Панатинаикос 76:89
Валенсија – Баерн Минхен 70:68
Вторник:
Анадолу Ефес – Олимпијакос 85:72
Жалгирис Каунас – Виртус Болоња 96:81
Алба Берлин – Реал Мадрид 79:86
Макаби Тел Авив – Асвел-Вилурбан 98:90
Партизан – Басконија 87:83
ТАБЕЛА:
1. Реал Мадрид 30 24 6 2580-2354
2. Барселона 30 20 10 2480-2359
3. Панатинаикос 30 19 11 2416-2270
4. Фенербахче 30 19 11 2515-2412
5. Монако 30 19 11 2446-2365
6. Олимпијакос Пиреа 30 18 12 2331-2238
7. Макаби Тел Авив 30 17 13 2604-2607
8. Виртус Болоња 30 17 13 2404-2444
9. Басконија Виторија 30 16 14 2505-2492
10. Партизан 30 14 16 2464-2491
11. Валенсија 30 14 16 2285-2323
12. Баерн Минхен 30 13 17 2291-2377
13. Армани Милано 30 13 17 2319-2301
14. Анадолу Ефес 30 13 17 2507-2560
15. Жалгирис Каунас 30 12 18 2385-2410
16. Црвена ѕвезда 30 10 20 2435-2447
17. Асвел Вилурбан 30 7 23 2331-2551
18. Алба Берлин 30 5 25 2281-2578
