Кошаркарите на Реал Мадрид беа поразени со 90:104 во петокот вечерта на гостувањето кај белградски Партизан, кој значително ги подобри шансите за пласирање меѓу првите осум екипи кои ќе настапат во доигрувањето во Евролигата.
Воедначениот тим на Жељко Обрадовиќ го предводеа Французинот Матијас Лесор и Американецот Кевин Пантер со по 16 коша, додека Австралиецот Дант Ексум додаде 15 коша. Најдобар стрелец на мечот беше Џенан Муса со 22 коша, а за Реал 17 поени додаде и Хрватот Марио Хезоња.
Бидејќи Олимпијакос во грчкото дерби одиграно во Пиреа со 81:73 го совлада Панатинаикос, се осами на врвот со 23 победи и девет порази. По 22 победи и со 10 порази имаат Реал Мадрид и Барселона.
Во борбата за врвот е и Монако, со сооднос 22-11, кој во петокот вечерта славеше со 84:81 на гостувањето кај Баерн. Макаби Тел Авив е петти на табелата со 19-13, а го следат Партизан и Фебербахче со 18-14.
Басконија, со соодносот 17-14, со домашната победа токму над Фенербахче од 92:69 остана во трката за четвртфиналето, како и Жалгирис кој во Каунас ја совлада Валенсија 95:74. Гостинска победа оствари Црвена ѕвезда од 76:60 кај Асвел.
РЕЗУЛТАТИ
Евролига – 32 коло, играно во петок
Баерн Минхен – Монако 81:84
Жалгирис Каунас – Валенсија 95:74
Басконија – Фенербахче 92:69
Олимпијакос – Панатинаикос 81:73
Партизан – Реал Мадрид 104:90
Асвел – Црвена ѕвезда 60:76
Одиграно во четврток:
Анадолу Ефес – Виртус Болоња 86:67
Макаби Тел Авив – Армани Милано 85:66
Барселона – Алба Берлин 72:56
ТАБЕЛА
1. Олимпијакос 32 23 9 2692:2413 55
2. Реал Мадрид 32 22 10 2712:2513 54
3. Барселона 32 22 10 2562:2425 54
4. Монако 32 21 11 2646:2574 53
5. Макаби Тел Авив 32 19 13 2674:2589 51
6. Партизан 32 18 14 2706:2616 50
7. Фенербахче 32 18 14 2641:2580 50
8. Басконија Виторија 32 17 15 2721:2650 49
9. Жалгирис Каунас 32 17 15 2440:2479 49
10. Анадолу Ефес 32 16 16 2627:2561 48
11. Црвена ѕвезда 32 15 17 2425:2455 47
12. Армани Милано 32 14 18 2366:2436 46
13. Валенсија 32 14 18 2606:2738 46
14. Виртус Болоња 32 13 19 2487:2638 45
15. Панатинаикос 32 11 21 2484:2602 42
16. Баерн Минхен 32 11 21 2458:2577 42
17. Алба Берлин 32 9 23 2528:2696 41
18. Асвел Вилербан 32 8 24 2356:2579 40
