Во последниот натпревар од колото фудбалерите на Варшава Легија го победија Зрињски во Мостар со 2:1 во натпреварот од третото коло од групата Е на Конференциската лига.
По третото коло, Астон Вила и Легија имаат по шест бода во оваа група, додека Зрињски и АЗ Алкмар имаат три бода. Зрињски поведе против Полјаците, во 30. минута стрелец беше Билбија, но само две минути подоцна Јаковљевиќ ја погоди сопствената мрежа, со што гостите се вратија на израмнет резултат. Стрелец на решавачкиот гол беше Крамер во 62. минута.
Претходно во овааа група Астон Вила забележа важна победа на гости кај АЗ Алкмар. Славеше кај Холанѓаните со убедливи 4:1. Во првото полувреме стрелци беа Бејли во 13. минута и Тилеманс во 23. минута, а во второто стрелци беа Воткинс во 51. минута и Мекгин во 56. минута. Садик го постигна почесниот гол за АЗ.
Високи победи од 6:0 остварија Фиорентина и Ајнтрахт. Фиорентина како домаќин во групата Ф ја совлада екипата на Чукарички со двата гола на Белтран и по еден на Иконе, Соттил, Мартинез и Лопез. Во финишот на првото полувреме гостите останаа со играч помалку.
Во групата Г, Ајнтрахт го победи ХЈК од Хелсинки со 6:0 во Франкфурт со двата гола на Дин Ебимбе.
Во оваа група ПАОК направи голем пресврт кај Абердин, каде Грците до 73. минута губеа со 0:2, но на крајот победија со 3:2. Головите за победниците ги постигнаа Десподов во 73. минута, Виериња во 84. минута и Шваб од пенал во 96. минута.
ПАОК е прв на табелата со сите девет бодови, додека Ајнтрахт има шест.
Во групата Д првата победа ја оствари норвешкиот претставник Бодо кој пред своите гледачи го победи Бешикташ со 3:1. Со еден бод Бешикташ е последен во групата.
Во групата Х, Фенербахче го задржа перфектниот настап. Овојпат го бугарски Лудогорец на домашен терен победи со 3:1.
Батшуаји во 42. минута и Зајц во 52. минута беа стрелци за 2:0 на домашната екипа, а третиот гол на натпреварот беше автогол на Родриго Бекао за водство на тимот од Истанбул од 2:1. Сѐ беше заклучено кога Словенецот Зајц го постигна вториот гол на натпреварот во судиското надополнување.
Слован од Братислава поведе со 1:0 против Лил во групата А со голот на Чавриќ во 23. минута, но во останатиот дел од мечот Лил го сврте резултатот и победи со 2:1. Стрелци беа Јажиќ во 68. и Кабела во 82. минута. Со тоа Лил го презеде врвот во оваа група. Има седум бода, бод повеќе од Слован.
Во вториот натпревар од третото коло од оваа група, КИ Класвик ја совлада Олимпија Љубљана со 3:0 на Фарски Острови.
Во групата Б, Гент пред своите гледачи лесно го совлада исландскиот Бреидаблик со 5:0, а Гент во првото полувреме постигна четири гола. Кујперс постигна два гола, а Ганделман и Тисудали по еднаш. Во продолжението се заврши со гол на Орбан во 69. минута. Инаку, вториот натпревар од оваа група меѓу Макаби Тел Авив и украинска Зорја беше откажан поради воената состојба на Блискиот исток.
