Денвер Нагетс ноќта кон саботата им го нанесоа првиот сезонски пораз на водечките Бостон Селтикс на нивен терен совладувајќи ги со 102:100. Бостон оваа сезона досегга имаа 20-0 на домашен терен и има 27 последователни победи на домашен терен од минатата сезона.
Џамал Мареј постигна рекордни 35 поени од натпреварот со осум скока и пет асистенции, а Никола Јокиќ додаде 34 поени, 12 скока и девет асистенции за Денвер. Џејсон Тејтум промаши шут од над пет метри за израмнување на три секунди до крајот. Дерик Вајт ги предводеше Селтикс со 24 поени. Тејтум го заврши натпреварот со 22 коша, а Кристапс Порзингис со 21.
И Атланта Хокс на гостински терен тесно ги победија Мајами Хит со 109:108, а Деџунте Мареј ја постигна победничката тројка на две секунди до крајот. Мареј го предводеше победничкиот тим со 22 поени, а Богдан Богдановиќ додаде 17 поени за Атланта, која го освои третиот натпревар по ред и прва во Мајами од март 2021 година. Мајами, кои се во серија од два порааи, ги предводеа Џими Батлер и Тајлер Херо кои постигнаа по 25 поени. Бам Адебајо додаде 21 поен, а Данкан Робинсон заврши со 14 од клупата.
Феникс Санс беа предводени со 52 поени на Девин Букер во победата со 123:109 на гости кај Њу Орлеанс Пеликанс. Рекордот на кариерата на Букер е 70 поени, постигнати против Бостон Селтикс во 2017 година. Кевин Дурент додаде 26 поени, Бредли Бил 13, Грејсон Ален 12, а Јусуф Нуркиќ заврши со 15 скока, девет асистенции и пет поени за Санс, кои победија по деветти пат во 12 натпревари. Кај Пеликанс најдобар беше Зион Вилијамсон со 24 асистенции, Брендон Инграм додаде 17 поени и 11 асистенции, а Јонас Валанчиунас 16 поени и 11 скока.
Кошаркарите на Портланд Трејл Блејзерс ја забележаа втората победа во низа првпат од крајот на ноември, совладувајќи ги на свето гостување Индијана Пејсерс со 118:115. Џерами Грант постигна 37 поени, а Малколм Брогдон 30 поени за Трејл Блејзерс. Мајлс Тарнер постигна 29 поени, 12 скока и пет блокади за Пејсерс, кои загубија по трет пат во четири натпревари. Паскал Сијакам постигна 21 поен со шест скока во првиот натпревар за Пејсерс. Тајрис Халибартон додаде 21 поен и 17 асистенции во неговото враќање, откако пропушти пет натпревари поради повреда на тетивата.
Третиот тим на Истокот, Филаделфија 76ерс, ги победија Орландо Меџик со 124;109, а Џоел Ембиид постигна 28 од своите 36 поени во првото полувреме. Тајрис Макси додаде 32 поени, а Ембид, кој имаше седум скока и четири од 11-те украдени топки на Филаделфија минатата ноќ, постигна најмалку 30 поени за својот 19-ти последователен натпревар, израмнувајќи се со членовите на Куќата на славните Елгин Бејлор за шеста најдолга серија во историјата на НБА лигата. Орландо беше предводен од Вендел Картер Џуниор. со 25 поени и 11 скока.
Шарлот Хорнетс ја прекинаа серијата од шест порази победувајќи ги Сан Антонио Спарс синоќа со 124:120. Најдобар стрелец кај победничкиот тим беше ЛаМело Бол со 28 поени, а Брендон Милер постигна 24 поени со девет скока. Келдон Џонсон впиша 25 поени од клупата за Сан Антонио, кој беше без првиот избор од драфтот годинава Виктор Вембањама, додека Тре Џонс и Зак Колинс имаа по 16 поени.
Бруклин Нетс ја прекинаа серијата од четири порази со убедливата победа од 130:112 над Лос Анџелес Лејкерс. Кам Томас постигна 33 поени, а Ник Клакстон имаше 22 и 14 скока за Бруклин. Ентони Дејвис постигна 26 поени и забележа 12 скока, а Леброн Џејмс додаде 24 поени и 11 скока за Лејкерси.
