Кошаркарите на Лос Анџелес Клиперс ноќта кон вторникот во рамките на американската НБА лига тесно со 119:117 на гости ги совладаа Шарлот Хорнетс, а Феникс Санс беа поразени убедливо со 111:130 од Далас Маверикс.
Во гостинската победа на Клиперс кај Хорнетс херој беше Каваи Леонард кој дуелот го заврши со 16 коша но го постигна репшавачкиот кош за победата на 1,4 секунди пред крајот. Победниците ги предводеше Пол Џорџ со 19 поени. За двајцата ова беше првиот меч по отсуството од одреден период од терените поради повреди.
ПиЏеј Вошингтон го промаши потенцијално израмнувачкиот кош за Шарлот со звукот на сирената за крај на мечот. Кај Хорнетс најдобар беше Кели Обри џуниор со 28 поени, а Вошингтон додаде 26 и Тери Розиер 22 поени.
Далас Маверикс, кои ги предводеше Лука Дончич со 33 коша, 8 асистенции и 6 скокови, со 130:1112 ги совладаа Феникс Санс. Спенсер Динвиди уфрли пет „тројки“ за вкупно 21 поен за Далас, а Кристијан Вуд додаде 18 коша со 9 скокови.
Најдобар кај Феникс, за кои ова е само вториот пораз во последните девет натпревари, беше Деандре Ејтон со 20 поени и 8 скокови, Камерон Пејн додаде 14 коша и 10 асистенции за Санс.
Санс ја искористија серијата 12?3 во текот на третата четвртина за да се проблиќат на 60:76 на 6,20 минути пред крајот. Но Далас го подигна водството на 96:75 до крајот на треата делница и продолжија да се во предност со удобна разлика во текот на целата последна четвртина.
Од другите дуели одиграни синоќа во НБА лигата се издвојува соочувањето меѓу Хјустон Рокетс и Филаделфија 76ерс во кој по две продолженија со 132:123 славеа Рокетс.
Џејлен Грин и Кевин Портер џуниор заедно уфрлија 51 кош за третата последователна победа на Хјустон. Грин впиша 27 коша со 7 асистенции, додека Портер додаде 24 поени и 6 скокови. Портер, Ерик Гордон (со 14 коша) и Џабар Смит (со 16 коша и 11 скокови) со „тројки“ во второто продолжение обезбедувајќи ја победата на Рокетс.
На Сиксер не им помогна ниту најдобриот стрелец на меќот Џоел Ембиид, кој впиша 39 коша. Тобијас Харис додаде 27 поени, а Џејмс Харден, кој се врати на терените по 14 натпревари, 21 кош со 7 асистенции.
РЕЗУЛТАТИ
Далас Маверикс – Феникс Санс 130:111
Шарлот Хорнетс – ЛА Клиперс 117:119
Орландо Меџик – Милвоки Бакс 102:109
Атланта Хокс – Оклахома Сити Тандер 114:121
Торонто Репторс – Бостон Селтикс 110:116
Хјустон Рокетс – Филаделфија 76ерс 132:123 (продолженија)
Мемфис Гризлис – Мајами Хит 101:93
Голден Стејт Вориорс – Индијана Пејсерс 104:112
ТАБЕЛИ
ИСТОЧНА КОНФЕРЕНЦИЈА
АТЛАНТСКА ДИВИЗИЈА
1. Бостон Селтикс 20 5.800 —
2. Бруклин Нетс 13 12 .520 7
3. Филаделфија 76ерс 12 12 .500 7 1/2
3. Торонто Репторс 12 12 .500 7 1/2
5. Њујорк Никс 11 13 .458 8 1/2
ЦЕНТРАЛНА ДИВИЗИЈА
1. Милвоки Бакс 17 6,739 —
2. Кливленд Кавалирс 15 9 .625 2 1/2
3. Индијана Пејсерс 13 11 .542 4 1/2
4. Чикаго Булс 9 14 .391 8
5. Детроит Пистонс 6 19 .240 12
ЈУГОИСТОЧНА ДИВИЗИЈА
1. Атланта Хокс 13 11.542 —
2. Мајами Хит 11 13 .458 2
2. Вашингтон Визардс 11 13 .458 2
4. Шарлот Хорнетс 7 17 .292 6
5. Орландо Меџик 5 20 .200 8 1/2
ЗАПАДНА КОНФЕРЕНЦИЈА
ПАЦИФИЧКА ДИВИЗИЈА
1. Феникс Санс 16 8.667 —
2. Сакраменто Кингс 13 9 .591 2
3. Лос Анџелес Клиперс 14 11 .560 2 1/2
4. Голден Стејт Вориорс 13 12 .520 3 1/2
5. Лос Анџелес Лејкерс 10 12 .455 5
ЈУГОЗАПАДНА ДИВИЗИЈА
1. Њу Орлеанс Пеликанс 15 8.652 —
2. Мемфис Гризлис 15 9 .625 0 1/2
3. Далас Маверикс 12 11 .522 3
4. Хјустон Рокетс 7 17 .292 8 1/2
5. Сан Антонио Спарс 6 18 .250 9 1/2
СЕВЕРОЗАПАДНА ДИВИЗИЈА
1. Денвер Нагетс 14 9 .609 —
2. Портланд Трејл Блејзерс 13 11 .542 1 1/2
3. Јута Џез 14 12 .538 1 1/2
4. Минесота Тимбервулвс 11 12 .478 3
5. Оклахома Сити Тандер 11 13 .458 3 1/2
