Англиската фудбалска Премиер лига објави дека постигнала договор за продажба на телевизиските права за пренос на нејзините натпревари на Sky Sports, BT Sport, Amazon Prime Vide и BBC Sport вреден 5,5 милијарди евра за периодот од 2022 до 2025 година, односно за сезоните 2022/23, 2023/24 и 2024/25.
Сумата е приближно иста како и претходниот тригодишен договор, односно околу 1,83 милијарди евра по сезона, а постогнат е со директна спогодба наместо со јавно наддавање. За договорот со директна спогодба со досегашните партнери Премиерлигата поради пандемијата на коронавирусот добила дозвола од британската влада.
Со тоа Премиер лигата и натаму е на врвот на листата кога станува збор за сумите од продажаба на тв-правата. На второто место е франциската Прва лига со приход од 1,172 милијарди евра по сезона за периодпот 2020 – 2024, па германската Бундеслига со 1,16 милијарди евра за 2017 – 2021, додека шпанската Примера е четврта со 1,14 милијарди евра за периодот 2019 – 2022. На петтото место е италијанската Серија А со 973 милиони евра по сезона за периодот од 2018 до 2021 година.
