Претседателот Херцог вели дека Израел не може да остави вакуум во Газа
Израелскиот претседател Исак Херцог вели дека Израел не може да остави вакуум во Појасот Газа и дека ќе мора да задржи силни трупи во палестинската енклава за да го спречи Хамас повторно да се појави во областа, објави тој во четвртокот Financial Times.
„Ако се повлечеме, тогаш кој ќе ја преземе? Не можеме да оставиме вакуум. Мораме да размислиме каков ќе биде механизмот; има многу идеи“, рече Херцог во интервју за Financial Times. „Но, никој нема да сака повторно да го претвори ова место, Газа, во терористичка база“, додава израелскиот претседател.
Минатата седмица израелскиот премиер Бенјамин Нетанјаху изјави за ABC News дека Израел „на неодредено време“ ќе има одговорност за безбедноста на енклавата по војната, но САД возвратија на тоа, велејќи дека Палестинците треба да управуваат со Газа откако Израел ќе ја заврши војната против Хамас.
Херцог изјави за Financial Times дека израелската влада разговарала за многу идеи како да управува со Газа по завршувањето на војната меѓу Израел, и како што тврди, со Хамас, додавајќи дека претпоставува дека САД и „нашите соседи во регионот“ ќе бидат вклучени во повоен аранжман.
Американскиот претседател Џо Бајден изјави во средата дека јасно му ставил до знаење на израелскиот премиер Бенјамин Нетанјаху дека решението со две држави е единствениот одговор на израелско-палестинскиот конфликт и дека окупацијата на Газа би била „голема грешка“.
Израел ја започна својата кампања против исламистичкото движење коешто владее со Газа по крвавиот напад на милитантите врз јужен Израел на 7-ми октомври. Израел соопшти дека 1.200 луѓе биле убиени од кои над 300 војници, а околу 2.40 луѓе беа земени како заложници во најсмртоносниот ден во неговата 75-годишна историја.
Израел ги стави под воена опсада 2,4 милиони жители на Газа и изведува воздушни напади и артилериски. Здравствените власти во Газа, кои Обединетите нации ги сметаат за веродостојни, велат дека е потврдено дека загинале околу 11.500 Палестинци, од кои околу 40 отсто се деца, а повеќе се затрупани под урнатините.
