Делегација на набљудувачката мисија на ОБСЕ/ОДИХР, предводена од амбасадорката Џилиан Стирк, денес беше во работна посета на Агенцијата за аудио и аудиовизуелни медиумски услуги (АВМУ), соопштија од таму.
Главна тема на состанокот беше работата на Агенцијата за време на Претседателските и на Парламентарните избори 2024 година, вклучувајќи ја правната рамка за изборното медиумско претставување, како и начинот на кој се реализира мониторингот на радиодифузерите во овој период. Исто така, амбасадорката ја информираше Агенцијата за целите и опфатот на мисијата на ОБСЕ/ОДИХР за време на изборите.
