Кина во повеќе наврати одбила барања на Светската здравствена организација (СЗО) да учествуваат во истрагите за потеклото на Ковид-19, изјави претставникот на СЗО во Кина, Гауден Галеа.
– Врз основа на сите достапни докази, колегите од СЗО во нашиот систем се убедени дека вирусот потекнува од Вухан и е природен, не произведен вирус“, нагласи тој.
– Знаеме дека е во тек национална истрага, но во оваа фаза не сме поканети да се приклучиме, изјави Галеа за Скај Њуз.
Тој додаде дека СЗО поднесува барања до здравствена комисија и надлежните органи и дека е многу важно да се утврди потеклото на вирусот.
– Приоритет е дека треба да знаеме што е можно повеќе за да спречиме повторување, рече Галеа.
Според него, СЗО не е во состојба да ги испита записите во две лаборатории што работат со вируси во Институтот за вирологија Вухан и ЦДЦ Вухан.
