Британскиот принц Хари, или војводата од Сасекс, изложил поединости во својата нова книга за „разотбличувачкото“ интервју во рамки на американска телевизиска емисија којашто ќе биде емитувана во недела.
Хари во своите претстојни мемоари под наслов „Spare“ снимил разговор со новинарот Андерсон Купер во емисијата „60 Minutes“, на американската телевизиска мрежа CBS News. Мемоарите на британскиот принц, инаку, ќе бидат објавени на 10-ти јануари под насловот „Spare“ (Резерва).
Од CBS News објавија куса најава на интервјуто, кои го опиша како „откривачко“, а биографијата на Хари, којашто излегува две седмици подоцна, како „експлозивна“.
Според шпекулациите, се очекува дека мемоарите ќе опишуваат поединости од несогласувањата меѓу 38-годишниот принц Хари и неговиот две години повозрасен брат принцот престолонаследник од Велс, Вилијам.
Таквите претпоставки се темелат на тоа што војводата од Сасекс во документарниот филм на Netflix, тврдеше дека брат му Вилијам ги прекршил ветувањата дека никогаш нема да ги објави случувањата или да зборува против него откако тврдеше за последиците од таквите постапки во кабинетот на нивниот татко, сегашниот британски крал Чарлс Трети.
Според британскиот таблоид The Sun , Хари веќе снимил телевизиско интервју за својата биографија со Том Бредби, во емисијата „News at Ten“ која се емитува на британската телевизија iTV .
Бредби, поранешен акредитиран дописник за кралскиот дворец за iTV, е пријател на семејството на Хари и претходно го интервјуираше принцот во текот на снимањето на документарниот филм за турнејата по Африка во 2019 година.
