Американскиот музичар Принс (57) кој почина во четвртокот во Минесота, е кремиран по одржана приватна церемонија на која биле неговите роднини, пријатели и музичари.
Неговата соработничка, Ивет Ноел Шур соопштила дека членовите на неговото семејство се собрале на приватна и прекрасна церемонија за да се простат од него.
Не е објавено каде е била одржана церемонијата, но некои музичари биле видени како влегуваат на имотот на Принс кој се наоѓа во Минесота. Таму се видени и неговата сестра, Тајка Нелсон како и зетот Морис Филипс.
Инаку, Шур рекла дека анализите од аутопсијата ќе бидат готови за 4 недели, а до тогаш не се знае причината за неговата смрт.