Продажбата на електрични и „plug-in“ хибридни возила се зголеми за 21 отсто на годишно ниво во јули, најмногу благодарение на растот во Кина, додека Европа забележа пад на побарувачката, објави во понеделникот компанијата за истражување на пазарот „Rho Motion“.
Во јули, 1,35 милиони електрични возила – целосно електрични (BEV) или „plug-in“ хибридни (PHEV) – беа продадени ширум светот. Од нив, 880.000 се продадени во Кина, што претставува раст од 31 отсто на годишно ниво, покажуваат податоците.
Во првите седум месеци од 2024 година, бројот на продадени „plug-in“ хибриди во Кина се зголеми за 70 отсто во споредба со истиот период минатата година.
Кинескиот и најголемиот производител на електрични возила во светот BYD, објави дека ја зголемиле својата глобална продажба на BEV и PHEV за 13 и 44 проценти, соодветно, во истиот период.
Во Европа, на месечно ниво во јули, продажбата е намалена за 7,8 отсто, додека во седумте месеци од годинава тие се непроменети во однос на истиот период лани.
Во Германија, најголемиот пазар за електрични возила во ЕУ, во првите седум месеци од оваа година, продажбата е намалена за 12 отсто во споредба со истиот период лани.
Во САД и Канада, продажбата на електрични возила се зголеми за 7,1 отсто во јули.
Клучниот „BYD продолжи со својата рекордна продажба на plug-in хибриди и овој месец, што е клучен придонесувач за глобалните продажби бидејќи неговиот обем на продажба е голем“, вели Чарлс Лестер од „Rho Motion“.
Возила со зголемен опсег, хибридни автомобили на батерии кои се полнат со помош на генератор на одборот, исто така се продаваат во голем број, додаде Лестер.
Тешко е да се очекува раст на побарувачката на електрични автомобили во Европската унија, имајќи предвид дека во јули Унијата воведе привремени царини за увоз на електрични автомобили произведени во Кина – од 17,4 на 37,6 отсто.
