Производните цени на индустриските производи во еврозоната и Европската унија закрепнаа во август, како одраз на растот на цените на енергијата, покажуваар податоците на Eurostat во средата.
Во еврозоната продажните цени на производителите на индустриски производи во август биле за 0,6 отсто повисоки отколку во јули, кога биле намалени за 0,5 отсто, пресметале Eurostat. Во ЕУ тие се зголемија за 0,5 отсто, по ревидираниот пад од 0,7 отсто во јули.
Енергетскиот сектор бил движечката сила на поскапувањето за 2,5 отсто во еврозоната и за 2,2 отсто во ЕУ. Во јули тие беа намалени за околу еден процент. Кога, пак, ќе се исклучи енергетскиот сектор, цените на производителите во индустријата паднале за 0,2 отсто во двете области, за половина повеќе од јули, пресметале статистичарите.
Најзначајно зголемување на продажните цени на индустриските производи на месечна основа е забележано во Ирска во август, за 3,7 отсто. Следат Финска и Грција, со раст на цените од 2,4, односно 2 отсто. Во долниот дел од оваа листа е најновата членка на еврозоната Хрватска каде цените на производителите се зголемиле за 0,8 отсто во август, по 1,3 отсто пораст во јули. Најблиску до Хрватска беа Австрија и Италија со раст на цената од 0,7 отсто на месечно ниво.
Најмногу паднале цените на производите во романската индустрија, и тоа за 1,3 отсто. Во Луксембург и Шведска, цените на производителите стагнираа, покажаа табелите на Еуростат.
На годишна основа, продажните цени на производителите на индустриски производи во август паднале за 11,5 отсто во еврозоната и за 10,5 отсто во ЕУ. Во јули тие се намалени на годишно ниво за 7,6 отсто во еврозоната и за 6,6 отсто во ЕУ.
Продажните цени на производителите на индустриски производи во двата региона бележат пад четврти месец по ред, кој се забрзува од месец во месец на годишна основа, покажуваат табелите.
Убедливо најголем пад на цените е забележан во август во енергетскиот сектор, за 30,6 отсто во еврозоната и за 28,3 отсто во ЕУ. Во јули тие се зголемени за 24,2 отсто во еврозоната и за 21,5 отсто во ЕУ.
Значително пораснале цените на нетрајните производи за широка потрошувачка, за 6,7 отсто во двете области. Потоа следат трајните производи за широка потрошувачка, кои поскапеле за 4,7 отсто во еврозоната и за 4,1 отсто во ЕУ.
Кога ќе се исклучи енергетскиот сектор, производните цени на индустриските производи во еврозоната и во ЕУ биле за околу еден процент повисоки од август минатата година. Во јули тие се зголемени во двата региона за 1,6 отсто.
Продажните цени на производителите на индустриски производи во Ирска паднаа најмногу во август на годишна основа, за 51,2 отсто. Следуваат Бугарија и Белгија, каде што се намалени за 27,2, односно 16,6 отсто.
Најмногу поскапеа индустриските производи од производителите во Словачка и Унгарија, за 9,8, односно 7,8 отсто. Поизразен пораст на продажните цени на индустриските производи во август бележи и Хрватска, за четири отсто во однос на ланскиот август. Во јули тие се повисоки за 3,6 отсто. Во јуни и мај тие пораснаа на годишно ниво во просек за околу четири проценти месечно. Следува уште една земја од овој простор, Словенија каде во август е забележан пораст на цената од 3,8 отсто.
